- გარემოს ეროვნული სააგენტოს ინფორმაციით, 5 ნოემბერს საქართველოს უმეტეს ტერიტორიაზე მოსალოდნელია ნალექი, ხოლო დასავლეთ საქართველოში ზოგან – ძლიერი ინტენსივობით. სინოპტიკოსთა პროგნოზით, შესაძლებელია ელჭექი, სეტყვა, ძლიერი ქარი და ზღვაზე 4-5 ბალიანი შტორმი.
მოსალოდნელმა ძლიერმა ნალექებმა შესაძლებელია დასავლეთ საქართველოს მდინარეებსა და მათ შენაკადებზე წყლის დონეების მნიშვნელოვანი მატება და წყალმოვარდნები გამოიწვიოს. ამასთან, გორაკ-ბორცვიან და მთიან ზონებში არსებობს მეწყრული და ღვარცოფული პროცესების ჩასახვა-გააქტიურების საფრთხე, ხოლო ურბანულ ტერიტორიებზე — ცალკეული მონაკვეთების დატბორვის რისკი.